Ամբողջ կյանքս մենակ եմ եղել։ Մանկապարտեզում, դպրոցում, ընտանիքում։ Ընկերներ համարյա չեմ ունեցել։ Միշտ հանգիստ եմ ինձ զգացել մենության հետ։
Բայց նախորդ տարին ուրիշ էր։ Առաջին անգամ զգացի մենակ չլինելու, սիրելու ու մի քիչ սիրվելու համը ու էտ ամեն ինչից բաժանվելը ու էլի մենությանը վերադառանալը դժվար էր։ Բայց կարողացա։ Հիմա էլի մենակ եմ ու էլի հանգիստ եմ ինձ զգում մենության հետ։ Երևի որոշ մարդկանց մենություն ա վիճակված։
Երևի ես էտ որոշ մարդկանցից եմ

Խավարի ու լռության մեջ վառարանի ձայնն ավելի ա խորացնում տան դատարկությունը։ Երբ գարունը գա չեմ կարոտի էս ձայնը։ Բայց հիմա շատ եմ մրսում

Էս տիեզերքում ամենաշատը մորս եմ ուզում երջանիկ տեսնեմ։ Ափսոսում եմ էն կյանքի համար, որ ինքն ա ունեցել։ Էն զոհողությունների համար, որ ինքն ա արել իմ ու իրա ծնողների համար։ Բոլորի մասին մտածել ա, բացի իրենից։ Ու հիմա իրա համար միակ երջանիկ ապագան իմ ընտանիք կազմելն ա։ Միակ բանը, որ չեմ կարա անեմ

Որ փոքր էի մաման օրվա վերջում հոգնած նստում էր, նայում ձեռքերին ու բողոքում, որ շատ աշխատելուց մատները գեշացել են ու միշտ երազել ա սիրուն մատներ ունենա։ Ասում էր, որ իմ մատները իրենինից ավելի սիրուն են։
Հիմա իմ մատներն էլ են գեշանում աման լվալուց ու ձեռքով լվացքից։ Ու ամեն անգամ նայելուց մորս ասածներն եմ հիշում

Երևի աստված էլ ա լոքշ ժամանակ աստղերի հետ սենց խաղում, որ հիմա տիեզերքում քաոս ա

Չեմ սիրում, որ ինձ ասում են մեկին նման եմ ու իրա ապագան եմ ունենալու։ Եթե հորս գեները կրելով նույնիսկ կիսով չափ չկրկնեցի իրա կյանքի քայլերը, դժվար ուրիշ մեկինը կրկնեմ

Ընկերներիցս մեկին խոստացել էի 3 հոգու հետ դեյթվել մինչ Նոր Տարի։
Երկար դադարից հետո դեյթի լինելուց հետո հասկացա, ինչ անէմոցիոնալ ու առանց հետաքրքրության եմ նստած դեյթիս դիմաց։
Հասկացա ինչ կարգի էտ ամեն ինչը ինձ էլ պետք չի ու չի հետաքրքրում։ Մարդիկ անհետաքրքիր են ու դատարկ։ Մակերեսային ու ինքնախաբվող։
Հասկացա, որ մենությունս իմ կոմֆորտ զոնան ա դառել հիմա

Լումիս որոշ ընկերներիցս ավելի հավատարիմ ա

Զարմանում եմ մարդիկ ոնց են ամեն ինչ տրորում ընդամենը 1 օրգազմի համար։ Ամեն ինչ արժեզրկված ա։ Բոլորը բնազդներով շարժվող կենդանիներ են ու մենակ իրանց մասին են մտածում։ Մոտս արդեն սրտխառնոց են առաջացնում էն մարդիկ ում ժամանակին սիրում էի։ Շատ ցավալի ա

Ամեն անգամ մտածում եմ էս անգամ ուրիշ ա
Ամեն անգամ մարդուն պատերիցս ներս եմ թողում
Ամեն անգամ շահագործվում եմ
Ամեն անգամ օգտվում են բարությունիցս
Ամեն անգամ իրանց քթից էն կոմ ոչ մի բան չեն տենում
Ամեն անգամ հիասթափվում եմ
Ամեն անգամ նույնը կրկնվում ա

թութ

The social network of the future: No ads, no corporate surveillance, ethical design, and decentralization! Own your data with Mastodon!